Knut Jørgen Røed Ødegaard (fødd 1966) er ein norsk astrofysikar og formidlar av populærvitskap. Han har tidlegare jobba som formidlingsansvarleg ved Institutt for teoretisk astrofysikk ved Universitetet i Oslo og har vore dagleg leiar for verksemda ved Solobservatoriet på Harestua.

Ødegaard har skrive fleire artiklar og populærvitskaplege bøker, mellom anna Bang! frå 2006. Med sitt engasjement og breie kunnskapsfelt har han vore med på å auka interessa for astronomi og realfag i Noreg. Han jobbar òg som omsetjar, og ein periode leia han radioprogrammet Hurum og Ødegaard i Kanal 24 saman med paleontologen Jørn Hurum. I 2004 mottok han prisen Årets kommunikator av Kommunikasjonsforeningen for sin omfattande innsats for formidling av vitskap i massemedia. Mellom 2005 og 2008 var han leiar i Norsk Astronomisk Selskap.