Henning H. Bergsvåg (fødd 1974 i Bergen) er ein norsk poet og litteraturformidlar. 

Bergsvåg er utdanna ved Skrivekunstakademiet i Bergen og ved Litterär Gestaltning ved Göteborgs Universitet. Diktninga hans orienterer seg mot samtidige franske og svenske stemmer, han har blitt gjendikta til fleire språk og deltatt på internasjonale poesifestivalar. 

Før Bergsvåg debuterte hausten 2000 med diktsamlinga Newfoundland, hadde han publisert dikt i Signaler 98 og i tidsskrift som Nemesis og Journal Ka. Han var ein av drivkreftene bak Bergen internasjonale poesifestival, og er engasjert i Den Norske Forfatterforening. Han er initiativtakar til poesiklubben Poesidigg, og er ein aktiv formidlar av poesi. 

Bergsvåg er no busett i Bergen etter flere år i London, Praha og Berlin.

Våren 2020 kom Bergsvåg ut med si sjuande diktsamling, Dette er ikke et stille sted. Diktsamlinga handlar om eit forhold mellom to unge skrivande som søker dekning i kvarandre og i språket i møte med frykta for framtida.

Skjønnlitterære utgjevingar:

Dette er ikke et stille sted. Dikt 2020
Du er ikke her. Dikt 2016
Den engelske hagen. Dikt 2013
Over elven Tweed. Dikt 2010
Nemesis. Dikt 2007
Nattarbeid. Dikt 2003
Newfoundland. Dikt 2000