Forfattaren og illustratøren bak pseudonymet H. L. Phoenix blei fødd i 1982, og vaks opp i ein forstad utanfor Oslo. 

Han gjev ut den grafiske romanserien Arkin - Lysets vokter, ein portal-fantasy for unge lesarar som har fått mykje merksemd. Han var mottakar av den første Ravneringene-prisen i 2022.  

Tidlegare har han gjeve ut Den lille høna med bæsj i ryggsekken og appen ved same namn er Noregs mest innhaldsrike interaktive e-bok. Han gjev ut på Egmont forlag.

Som ung dreiv han mykje med sport og teikning, og då han var 8 år gamal vann han sin aller første teiknekonkurranse. I åra som følgde, fordjupa han seg i illustrasjon og design, og blei raskt lidenskapeleg oppteken av sjangeren fantasy. Han er utdanna barne- og ungdomsarbeidar, personleg trenar og ernæringsrettleiiar, og har over 20 års erfaring med arbeid med born og unge. I tillegg har han vore fast foredragshaldar på Guttekonferansen, som vert arrangert i samband med verdsdagen for psykisk helse. Der har han snakka til fleire hundre gutar i 10. klasse, om å ha mot til å vere seg sjølv, ta gjennomtenkte val og kor viktig det er å kunne snakke om kjenslene sine.