Odding og pensjonert toppkeeper, Håkon Opdal, bokdebuterer i haust med Den ellevte mann: Ei filosofisk og klok bok frå innsida av toppfotballen, om meininga med spelet og livet. 

Fotball er verdas mest gjennomanalyserte sport, men det finst ein blind flekk. Sjølv ikkje dei andre spelarane på laget veit korleis det er å vere den som vaktar målet, den som med berre nevane skal hindre katastrofe på vegner av medspelarar og supportarar. 

Den ellevte mann er ei overraskande og gripande historie om å gradvis oppdage kva som betyr noko i livet gjennom opplevingar mellom stengene. Inspirert av Albert Camus sin filosofi viser tidlegare landslagsspelar Håkon Opdal at utfordringane ein keeper står ovanfor ikkje er så ulike dei vi alle møter i kvardagen. Det er ei forteljing om drivet etter å klare eit umogleg oppdrag, om kjensla av å vere siste skanse, om vanvittige redningar og om dei usynlege detaljane si meining – innan fotball og i livet for øvrig. I tillegg er dette ein guide til nokre av dei største hendingane i fotballhistoria.