Naboen min vann Spellemannspris 2018 i kategorien «Barnemusikk». I oktober kjem dei til Litteratursymposiet!

Debutplata til Naboen Min, «Rockesock», er ei samling nyskrivne barnesongar, og har som mål å få ungar til å synge, danse, smile og le. Musikken på albumet spenner frå rock til viser, og ein kan òg finne inspirasjon frå både reggae og country. I tekstane, som er på nynorsk, finn ein både humor og alvor.

Ein får høyre om dansande kroppsdelar, hoppande dyr og folk som treng trøyst. Om ein vil lære seg nokre gloser på romvesensk, er ein komen riktig stad. Naboen min er eit band sett saman av forfattar og låtskrivar Vegard Markhus, og produsent og multiinstrumentalist Bjørnar Sangolt.