Annlaug er musikar, komponist og tekstforfattar frå Ulvik som jobbar innanfor eit vidt spekter av musikk; frå tradisjonell slåttemusikk på hardingfele til støyete elektriske gitarar og visete popmusikk.

Ho har gjeve ut fleire plater, både solo og saman med andre og turnerer i inn og utland.

I duoen Djønne&Børsheim saman med toradarspelar Rannveig Djønne spelar ho ny og eldre folkemusikk, inspirert av dei rike musikktradisjonane frå Hardanger. Dei gjev ut plate i haust! Saman med Pedro Carmona-Alvarez spelar ho popmusikk og er fast medlem i Frode Grytten beat band. Annlaug har vore på symposiet mange år. 

Saman med skodespelar Vibeke Flesland Havre har ho utvikla “Alle har en liten dør bak øret”, som vart vist i fjor og årets forestilling “Platons drikkegilde”.