Ein mykje brukt og allment akseptert definisjon av avhengighet, er noko ein ikkje klarer seg utan, eller i det miste er tvangsprega opptatt av. Ofte held bruken fram til trass for skadelege konsekvensar for familieliv, psyke og somatisk helse. Kvifor begjærer vi dette som øydelegg for oss? Kvifor er det så vanskelig å kutte ut, til trass for alt det riv ned? Kva får vi ut av rusen, gambling eller snus som vi ikkje får andre stader? Kva er det vi saknar i våre moderne liv sjølv om vi har ei seng å sove i og mat på bordet; kva for nokre hol i oss er det som må fyllast?

Forfattar Maria Kjos Fonn har gitt liv til rusavhengige Elise i sin siste roman Heroin Chick, Fanny Duckert er professor i psykologi og har skrive bok om kvinner og rus, og Lena Lindgren er kommentator i Morgenbladet og aktuell med boka Ekko, som stiller diagnose på samtida. Kjos Fonn, Duckert og Lindgren møter forfattar og litteraturformidlar Eivind Riise Hauge, til eit dykk vi inn i hekt, sug og begjær – alle ingrediensar ved den menneskelege tilstanden.