I 2019 drog Lena Lindgren til Silicon Valley i eit mislukka forsøk på å intervjue Mark Zuckerberg om Facebooks forsking på telepati. Det førte i staden til eit undersøkande essay om korleis medieteknologien har forheksa og invadert oss, sanseleg og samfunnsmessig. I boka «Ekko. Et essay om algoritmer og begjær» ser Lindgren vår turbulente samtid gjennom myten om Ekko, den greske nymfa som snakka så mykje at ho til slutt berre kunne gjenta andre. Ekkos store kjærleik var Narcissus, han som forelska seg i sitt eige speilbilde og døde av det. Boka «Ekko» er ein protest mot merksemdsøkonomien: På 2000-tallet må vi igjen hevda retten til vårt eige sanseapparat.