Randi Fuglehaug, forfattar og journalist frå Voss, har laga ein ny litterær sjanger: Vossakrim. 

Gjennom to bøker har tidlegare VG-reporter, no heimflytta lokalavisjournalist Agnes Tveit jakta på hemmelegheiter og svar på ei rekke “uhell” som skjer på Voss: I Fallesjuke dundrar ein fallskjermhoppar i bakken framfor hundrevis av sjokkerte tilskodarar under Ekstremsportveko på Voss. Undersøkingar viser at fallskjermen til den omkomne småbarnsmora Veslemøy Liland er tukla med, og drapsalarmen går. I Tonedød fell ein verdsberømt saksofonist død om på scena under Vossa Jazz. Etterforskinga rykker idylliske Voss ut av påskefreden. Fuglehaug les frå, og fortel om bøkene sine.