Kvart år tar 500-600 personar livet sitt i Norge. Tilbake sit dei pårørande, ofte utan klare svar på kvifor dette valget blei tatt. Framleis kan ein oppleve eit stort tabu knytt til sjølvmord. Korleis held vi ut når ein av våre nærmaste blir riven frå oss på denne måten? Korleis forsone seg med det som verkar uforsonleg, og korleis tar vi som samfunn oss av dei som blir råka av denne erfaringa? Forfattar Hilde Kvalvaag skriv bok om ein familie som er att etter at den eine sonen har tatt livet sitt. Tiril Broch Aakre er i haust aktuell med romanen Om mødre og døtre, om ei dotter som opplever at mora tar sjølvmord. Dei to møtast til samtale om bøkene og om den aller vanskelegaste erfaringa.