I år er det 60 år sidan spelefilmen Line hadde premiere i Noreg. Filmen deltok i hovudkonkurransen under Filmfestivalen i Cannes same år. To år tidlegare, i kjølvatnet av domen i Høgsterett i saka mot Agnar Mykle, gav Cappelen ut Axel Jensen sin klassiske sommarroman, jazzroman og Oslo-roman. Den skapte nesten like høge bølger.
 
Var boka pornografisk? Kunne det vere skadeleg at «teenagere» på siste del av femtitalet tok del i det erotiske eventyret til Line og Jacob? Og ikkje minst: Har Line noko å fortelje oss i dag?

Foredrag ved Torgrim Eggen, som vann Brageprisen i 2019 for biografien om Axel Jensen. Vi får òg eit gjensyn med 60 år gamal norsk filmkunst.